Fótbolti

Salah lánaður til Roma

Ingvi Þór Sæmundsson skrifar
Salah reyndist Fiorentina vel á síðasta tímabili.
Salah reyndist Fiorentina vel á síðasta tímabili. vísir/getty
Egyptinn Mohamed Salah er genginn til liðs við Roma á láni frá Chelsea.

Lánssamningurinn gildir út tímabilið en Roma er nú komið með forkaupsrétt á Salah.

Salah kom til Chelsea frá svissneska liðinu Basel í janúar 2014 og lék 19 leiki og skoraði tvö mörk með enska liðinu það tímabil.

Hann kom hins vegar aðeins við sögu í átta leikjum fyrri hluta síðasta tímabils áður en hann var lánaður til Fiorentina. Þar náði Salah sér vel á strik og gerði níu mörk í 26 leikjum.

Salah hefur skorað 21 mark í 37 landsleikjum fyrir Egyptaland.

Enski boltinn Ítalski boltinn

Mest lesið


Fleiri fréttir

Sjá meira


×

Mest lesið