Veiði

Hreggnasi framlengir leigusamning um Svalbarðsá

Karl Lúðvíksson skrifar
Jón Þór Júlíusson hjá Hreggnasa með flottan lax úr Svalbarðsá 2014
Jón Þór Júlíusson hjá Hreggnasa með flottan lax úr Svalbarðsá 2014
Svalbarðsá í Þistilfirði er ein af rómuðu stórlaxaám norðausturlands og hefur hún notið mikilla vinsælda hjá innlendum og erlendum veiðimönnum.

Veiðifélagið Hreggnasi hefur verið með ánna innan sinna vébanda og hafa nú framlengt samning við landeigendur um áframhald á þeim samning.  Hér tilkynning frá félaginu.

"Veiðifélagið Hreggnasi ehf og Veiðifélag Svalbarðsár í Þistilfirði gengu nýlega frá langtímasamningi um leigu veiðiréttar á vatnasvæði árinnar.

Svalbarðsá hefur átt miklum vinsældum að fagna meðal veiðimanna síðastliðin ár. Meðalveiði undanfarinna sumra er um 400 laxar, en þar af hefur hlutfall stórlaxa í aflanum verið yfir 70%. Þá hefur meðalveiði á hverja dagsstöng verið um 2.5 laxar á stangardag, en aðeins er veitt á 2-3 stangir yfir þann stutta veiðitíma sem nýttur er árlega.

Hreggnasi ehf hefur komið að leigu Svalbarðsár allt frá árinu 2007. Þá reis nýtt og glæsilegt veiðihús við ána. Frá árinu 2009 hefur Svalbarðsá verið veidd undir „veiða og sleppa“ fyrirkomulaginu en við það hafa veiðitölur og seiðavísitala vaxið mjög til hins betra".

Stangveiði

Mest lesið




×

Mest lesið