Annar stór skjálfti í Nepal í morgun

Stór jarðskjálfti skók Nepal í morgun, rúmum tveimur vikum eftir að fyrsti skjálftinn reið yfir. Skjálftinn í morgun var 7,4 að stærð. Skjálftinn varð klukkan 12:35 að staðartíma.

• Skjálftamiðjan var um 68 kílómetrum frá bænum Namche Bazar, sem stendur nærri Everest-fjalli, og 83 kílómetrum frá höfuðborginni Katmandú. Skjálftinn varð á 19 kílómetra dýpi.
• Talsmaður Rauða krossins segir fjölda hafa látist og slasast í skjálftanum.
• Eftirskjálftar hafa riðið yfir og hafa þeir meðal annars mælst 6,3 og 5,6 að stærð.
• Skjálftinn laugardaginn þann 25. apríl var 7,8 að stærð. Í honum létust að minnsta kosti átta þúsund manns og olli gífurlegri eyðileggingu á svæðinu.

Þessi frétt verður uppfærð þegar nýjar fréttir berast frá Nepal. Sjá má beina útsendingu Sky að neðan.

12:52:42 látnir

Nepölsk yfirvöld hafa staðfest að 42 manns hið minnsta hafi látist.

11:10:Nítján látnir

AP greinir frá því að nítján hafi látist og tæplega þúsund manns slasast í skjálftanum.

10:26:Að minnsta kosti sextán látnir

Talsmaður nepalskra yfirvalda hefur staðfest að sextán manns hið minnsta hafi látist í skjálftanum.

May 12 Quake Update-Injured details: Total Death(16); Injured(335)

— EarthquakeNepal-MoHA (@NEoCOfficial) May 12, 2015

10:24: Flugvöllurinn í Katmandú aftur opnaður

Búið er að opna flugvöllinn í Katmandú á nýjan leik.

10:13:Öflugir eftirskjálftar

Fjölmargir öflugir eftirskjálftar hafa orðið í dag, eins og sjá má á myndinni frá Bandarísku jarðvísindastofnuninni.

9:59:Nærri Everest-fjalli

Skjálftamiðjan var á einangruðu náttúruverndarsvæði, nærri landamærunum að Kína, milli Katmandú og Everest-fjalls. Búið var að rýma grunnbúðir Everest í kjölfar fyrri skjálftans. Mikil snjóflóð og aurskriður urðu á svæðinu.

9:42:Að minnsta kosti þrjú hundruð slasaðir

Reuters greinir frá því að að minnsta kosti fjórir hafi látist í skjálftanum og þrjú hundruð slasast.

9:39: Byggingar hrynja í Katmandú

Ritstjóri Nepali Times birtir mynd á Twitter-síðu sinni sem sýnir rústir fjögurra hæða byggingar sem hrundi í Katmandú. Talið er að einhverja sé að finna í rústunum.

This 4-story block went down in Kathmandu, pedestrians thought to be underneath. #NepalQuake @Dambarks pic.twitter.com/tS1NgGxDXS

— Kunda Dixit (@kundadixit) May 12, 2015

9:33:8.151 látinn vegna skjálftans 25. apríl

Lögregla í Nepal hefur birt nýjar upplýsingar um fórnarlömb skjálftans sem varð þann 25. apríl. Staðfest er að 8.151 hafi látist og tæplega 18 þúsund slasast. Í sundurliðuninni má sjá að flestir létust í Katmandú-dalnum.

Human Casualties by Regions (05/12/2015, 7:45 am). #NepalEarthquake pic.twitter.com/qaGWPjfSm8

— Nepal Police (@NepalPoliceHQ) May 12, 2015

9:27: Fólk flýr út úr flugvallarbyggingunni í Katmandú

Blaðamaðurinn Jack Board hefur birt myndbönd af því þegar fólk flýr út úr flugvallarbyggingunni í Katmandú.

People still standing out on tarmac at KTM airport, a lot of them on the phone #NepalQuake pic.twitter.com/mPHchGiXVI

— Jack Board (@JackBoard) May 12, 2015

Hundreds of people running of out of Kathmandu airport. Scary shaking from aftershock #NepalQuake pic.twitter.com/XiIdB0BCCS

— Jack Board (@JackBoard) May 12, 2015

9:15:Flugvellinum í Katmandú lokað

Fjölmargir fjölmiðlar hafa greint frá því að búið sé að loka flugvellinum í Katmandú vegna skjálftans.

9:12: Myndband af skjálftanum

Myndband náðist af augnablikinu þegar skjálftinn reið yfir í Katmandú. Sjá má myndbandið að neðan.

9:04:Að minnsta kosti tveir látnir í Bihar

Talsmaður indverskra yfirvalda segir að minnsta kosti tveir hafi látist í skjálftanum í Bihar héraði í austurhluta Indlands.

9:00: Fólk flykktist út úr húsum í Katmandú

Fólk í höfuðborginni Katmandú flykktist út úr byggingum í höfuðborginni Katmandú þegar skjálftinn reið yfir. Að sögn sjónarvotta skapaðist mikil ringulreið.

8:52: Íslendingur í Nepal: „Jörðin skalf í fjörutíu og fimm sekúndur“

„Það varð gríðarlegur eftirskjálfi hér í Nepal,“ segir Gísli Rafn Ólafsson hjálparstarfsmaður í færslu á Facebook en hann er staddur í Nepal.

„Jörðin skalf í fjörutíu og fimm sekúndur. Allir í mínum hjálparstarfshópi eru heilir á húfi en við erum enn að bíða eftir nánari skýrslum um aðra hjálparstarfsmenn. Jarðskjálftinn varð um sjötíu kílómetrum vestur af Katmandú, en hinn skjálftinn varð sjötíu kílómetrum austur af borginni.“ Sjá meira hér.

We just had a major aftershock (7.1M) here in Nepal. The ground was shaking for about 45 seconds. All NetHope staff is...

Posted by Gisli Rafn Olafsson on Tuesday, 12 May 2015

8:47:Á 18,5 kílómetra dýpi

Bandaríska jarðvísindastofnunin segir skjálftann hafa orðið á 18,5 kílómetra. Skjálftinn þann 25. apríl varð á fimmtán kílómetra dýpi. Því grynnri sem skjálftar eru, þeim mun líklegri eru þeir til að valda eyðileggingu á yfirborðinu.

8:40: Fjórir látnir í Chautara

Talsmenn hjálparsamtaka hafa staðfest að fjórir hafi látist í Chautara.

8:37: Skjálftinn austar en fyrri skjálftinn

Skjálfti morgunsins varð mun austar í landinu en skjálftinn þann 25. apríl. Skjálftamiðjan var í náttúruverndarsvæði milli höfuðborgarinnar Katmandú og Everest-fjalls.

8:31:Aurskriður í Sindhupalchowk

Talsmaður nepalskra yfirvalda segir að þrjár stórar aurskriður hafi fallið í Sindhupalchowk-héraði. Að minnsta kosti tólf eru særðir.

8:29: Eyðilegging í Chatutara

Hjálparsamtök hafa greint frá því að fjöldi bygginga hafi hrunið í bænum Chautara, vestur af Katmandú. Slasaðir hafa verið fluttir á sjúkrahús

Buildings collapse in Chautara, Nepal, after quake, injured brought to hospital - NGO tweets citing local staff

— Reuters India (@ReutersIndia) May 12, 2015

8:25: Fimm Íslendingar í Nepal

Samkvæmt upplýsingum frá utanríkisráðuneytinu eru að minnsta kosti fimm Íslendingar staddir í Nepal.

8:20: Fannst í Nýju-Delí og Dhaka

Fréttir hafa borist frá Indlandi um að skjálftinn hafi fundist þar, meðal annars í höfuðborginni Nýju-Delí. Skjálftinn fannst einnig í Dhaka, höfuðborg Bangladess.