Vill ekki tala um fimmtugsafmælið

Hjartaknúsarinn Brad Pitt varð fimmtugur í gær en ætlar alls ekki að halda upp á stórafmælið.

"Hann ætlar ekki að gera neitt og vill ekki vera komið á óvart. Hann vill ekki einu sinni tala um afmælið sitt," segir heimildarmaður tímaritsins Us Weekly. Hann bætir við að Brad ætli að fagna áfanganum um helgina í Ástralíu með unnustu sinni Angelinu Jolie og börnunum þeirra sex. 

Það er svo sem ekki skrýtið að Brad vilji ekki halda stóra veislu því hann er afar upptekinn við að taka upp myndina Fury í London þessa dagana.