Branson gefur helminginn af auðæfum sínum

Breski auðmaðurinn Richard Branson er nú kominn í hóp þeirra milljarðamæringa sem ætla að gefa helminginn af auðæfum sínum til góðgerðarmála.

Í þessum hópi eru fyrir menn á borð við Bill Gates stofnenda Microsoft og ofurfjárfestirinn Warren Buffett. Frá því að hópur þessi var stofnaður árið 2010 hafa rúmlega 100 bandarískir milljarðarmæringar gengið í hann en þeir lofa að gefa helminginn af eignum sínum fyrir eða eftir andlát sitt.

Branson sem er stofnandi Virgin flugfélagsins er talinn eiga rúmlega 400 milljarða króna.