Anspach opnar Riff

Opnunarmynd Riff í ár er myndin Drottningin af Montreuil eða The Queen of Montreuil eftir Sólveigu Anspach. Myndin gerist um sumar þegar Agathe snýr heim til sín í Montreuil sem er úthverfi í París. Hún missti mann sinn í bílslysi og eftir að hafa syrgt hann hyggst hún taka aftur til starfa við kvikmyndagerð. Þegar íslensk mæðgin, sæljón og kynþokkafullur nágranni dúkka óvænt upp á heimili hennar öðlast Agathe aftur styrk til að takast á við lífið að nýju.

Sólveig leikstýrði sinni fyrstu kvikmynd, Stormviðri, árið 1999 og var myndin valin í Un Certain Regard flokkinn á Cannes kvikmyndahátíðinni það ár.

Bíógestir geta sótt smáforrit hjá Apple.com til þess að auðvelda sér að halda utan um sýningar Riff á auðveldan og þægilegan máta.