Ekki hrifin af Hilton

Plötusnúðurinn Samantha Ronson er ekki par hrifin af því að hótelerfinginn Paris Hilton sé farin að vinna sem plötusnúður og tekur því sem móðgun.

„Settu smá metnað í það sem þú ert að gera, reyndu betur. Ef maður leggur vinnu í þetta þá mun maður uppskera hrós, en ef þú ert bara að þessu til að fá smá vasapening fyrir næstu viku ertu að móðga fólk sem leggur metnað í starfið. Þetta væri í líkingu við það að ég tæki upp á því að kalla mig lækni eftir að hafa lesið Doktor.is tvisvar," sagði Ronson um hið nýja starf hótelerfingjans.