Gamla gufan poppuð upp

Leikarinn Þorvaldur Davíð Kristjánsson og rithöfundurinn Ragnar Jónasson munu lífga upp á Gufuna í sumar með hressu viðtalsþáttunum Að apa og skapa en þar ætla félagarnir að ræða við efnilega og skapandi listamenn.

Fyrsti þátturinn fór í loftið í gær kl. 16.05 og var viðmælandi píanóleikarinn Víkingur Heiðar Ólafsson, sem er útskrifaður úr hinum virta Julliard skóla í New York líkt og Þorvaldur sjálfur.

Samkvæmt heimildum Fréttablaðsins mættu þáttastjórnendur inn á skrifstofu til Sigrúnar Stefánsdóttur dagskrárstjóra og báru undir hana hugmyndina sem hún tók fagnandi hendi.

- hþt