Útgáfa "The Family Corleone“ kærð

Kvikmyndaverið Paramount Pictures hefur kært Anthony Puzo, son rithöfundarins Mario Puzo, til að koma í veg fyrir útgáfu nýrrar bókar um Guðföðurinn, „The Family Corleone". Kvikmyndaverið heldur því fram að það hafi keypt höfundarréttinn á skáldsögu Puzo um Guðföðurinn árið 1969 og að aðeins hafi verið samþykkt að gefa út eina framhaldssögu, „The Godfather Returns" sem kom út árið 2004. Að sögn kvikmyndaversins er tilgangur kærunnar að „vernda heilindi og orðspor þríleiksins um Guðföðurinn".