Burger King breiðist út um Norðurlöndin

Skyndibitakeðjan Burger King mun fjölga sölustöðum í Danmörku og Svíþjóð verulega á næstunni. Ástæðan er sú að norska skyndibitakeðjan Umoe Restaurant Group hefur gert samkomulag um að veitingastaðir sínir verði reknir undir merkjum Burger King. Umoe verður jafnframt aðalþjónustuaðili þeirra Burger King staða sem þegar voru settir upp. ´

Í dag eru um 138 Burger King staðir reknir í Danmörku, Noregi og Svíþjóð en sú tala mun aukast mjög hratt. Markmiðið núna eftir að nýi samningurinn hefur verið gerður er að fjölga stöðunum um 100. Burger King var starfræktur á Íslandi frá árunum 2004 til ársins 2008.

Nánari umfjöllun um Burger King staðina má lesa á danska vefnum epn.dk.