Sport

Djokovic sneri við blaðinu og komst áfram á Wimbledon

Kolbeinn Tumi Daðason skrifar
Djokovic mundar bakhöndina í dag.
Djokovic mundar bakhöndina í dag. Nordicphotos/Getty
Novak Djokovic komst í hann krappann gegn Tékkanum Radek Stepanek í 3. umferð einliðaleiks karla á Wimbledon í dag.

Serbinn sem á titil að verja á mótinu tapaði fyrsta settinu gegn Stepanek 6-4 og útlit fyrir álíka uppnám og varð á mótinu í gær. Þá féll Rafael Nadal úr leik gegn óþekktum Tékka í dramatískum fimm setta leik.

Fljótlega í öðru setti varð ljóst að hið sama myndi ekki henda Djokovic. Serbinn vann settið 6-2 líkt og næstu tvö og tryggði sér sæti í 4. umferð.

Djokovic mætir landa sínum viktor Toicki í næstu umferð.

Tennis

Tengdar fréttir

Auðvelt hjá Djokovic

Serbinn Novak Djokovic hóf titilvörn sína í einliðaleik karla á Wimbledon-mótinu með þægilegum sigri á Spánverjanum Juan Carlos Ferrero 6-3, 6-3 og 6-1.

Mest lesið


Fleiri fréttir

Sjá meira


×

Mest lesið