Fótbolti

Mynt grýtt í Podolski

Eiríkur Stefán Ásgeirsson skrifar
Áhorfandi á leik Mainz og Kölnar í þýsku úrvalsdeildinni í gær kastaði smápening í höfuð sóknarmannsins Lukas Podolski.

Mainz vann leikinn, 4-0, og hefur Köln ekki unnið síðustu fimm deildarleiki sína. Talið er að starf þjálfarans Stale Solbakken hangi á bláþræði.

Podolski var að leið að hornfánanum til að taka hornspyrnu þegar áhorfandi grýtti myntinni í höfuð hans, eins og sjá má í myndbandinu hér fyrir ofan. Talið er að Mainz verði refsað vegna atviksins.

Podolski er sem kunnugt er á leið til Arsenal í ensku úrvalsdeildinni í sumar.

Þýski boltinn

Mest lesið


Fleiri fréttir

Sjá meira


×

Mest lesið