Fær aðstoð frá stílista

Leikkonan Leighton Meester er ávallt smekkleg og fallega klædd og þakkar hún stílista sínum fyrir það. Leikkonan fylgist líka með nýjustu tísku sjálf og er tíður gestur á fremsta bekk tískusýninga.

„Ég er með stílista, sem er mjög þægilegt. En ég fylgist líka með sjálf og þá sérstaklega í gegnum netið. Mér finnst alltaf jafn gaman þegar mér gefst tækifæri á að klæðast fallegum kjólum,“ sagði Meester.

Leikkonan segist ekki munu verða uppiskroppa með verkefni þegar Gossip Girl hættir göngu sinni og segist bæði vilja halda áfram tónsmíðum og fara aftur í skóla. „Ég mundi vilja ferðast meira, fara í skóla og gera allt það sem ég hef ekki haft tíma fyrir hingað til.“