Djassarar skáluðu á KEX

Önnur plata djasskvartettsins ADHD er nýkomin út. Liðsmenn sveitarinnar fögnuðu útgáfunni á gistiheimilinu KEX við Skúlagötu á miðvikudagskvöld.

Það var glatt á hjalla í útgáfuteiti ADHD á KEX á miðvikudagskvöld. Kvartettinn gaf út fyrstu plötu sína fyrir tveimur árum og hlaut hún almennt lof gagnrýnenda. Önnur platan var að koma í verslanir og virðist hún við fyrstu hlustun engu síðri.

Meðlimir sveitarinnar eru Óskar Guðjónsson saxófónleikari, Davíð Þór Jónsson hljómborðsleikari, Ómar Guðjónsson gítarleikari og Magnús Trygvason Eliassen trommuleikari.

Davíð Þór Jónsson og Kjartan Kjartansson.

Dagný Diðriksdóttir og Kristín Ólafsdóttir.

Frank og Ólafur.