Denise Richards leysir frá skjóðunni

Denise Richards er að vinna að ævisögu sinni, þar sem hún ætlar að leysa frá skjóðunni varðandi hjónabandið og skilnaðinn við Charlie Sheen.

„Ég ætla að segja frá öllu því góða úr hjónabandinu, því fólk hefur aðeins fengið að heyra um það slæma. Ég ætla samt að tala meira um hvernig mér leið á þessum tíma, því ég tel að margar konur geti fundið sig í mínum sporum þegar ég fór í gegnum skilnaðinn, forræðisdeiluna og það að vera einstæð móðir. Ég segi kannski ekki frá öllu en bókin verður vonandi einhverjum innblástur.

Ég gekk í gegnum margt og ég fæ margar spurningar um þennan tíma í lífi mínu, svo ég ákvað að skrifa söguna mína og vonandi sjá þeir sem hafa gengið í gegnum svipaða hluti að það er ljós í enda ganganna," segir Denise, en bókin kemur út hinn 27. júlí.

Bíóleikur Lífsins á Facebook.