Í rómantískri gamanmynd

Robert De Niro og Diane Keaton hafa samþykkt að leika í rómantísku gamanmyndinni The Big Wedding. Þar leika þau fyrrverandi hjón sem þykjast vera ennþá gift til að eyðileggja ekki brúðkaup ættleidds sonar síns. Með önnur hlutverk fara Katherine Heigl og Amanda Seyfried. Leikstjóri er Justin Zackham, handritshöfundur The Bucket List.

De Niro og Keaton léku bæði í myndinni The Godfather: Part II á sínum tíma og einnig í dramanu Marvin"s Room sem kom út árið 1996. Tökur á The Big Wedding hefjast í Connecticut í Bandaríkjunum í júlí.