Sheen gefur út lagið Winning

Charlie Sheen hefur gefið út lagið Winning á i-Tunes. Meðal þeirra sem koma við sögu í laginu eru Snoop Dogg og gítarleikari Korn, Rob Patterson. Þetta kemur fram í bandaríska blaðinu Los Angeles Times.

Lagið er nefnt eftir frægum frasa leikarans og fór á netið á þriðjudaginn. Gítarleikarinn Patterson lét hafa eftir sér í samtali við Times að lagið væri gott.

„En í alvöru talað, ekki taka þetta of alvarlega, þetta á að vera fyndið og skemmtilegt."

Charlie Sheen sjálfur sparaði ekki stóru orðin á twitter-síðu sinni.

„Fólk á eftir elska lagið, hver vill ekki vera í sigurliðinu," skrifaði Sheen og vitnaði í titil lagsins.

Sheen hefur þegar tilkynnt að allur ágóði af sölu lagsins muni renna til fórnarlamba hvirfilbyljanna í Bandaríkjunum.