Jóhanna Guðrún syngur til heiðurs Evu

Jóhanna Guðrún ætlar að syngja til heiðurs bandarísku söngkonunni Evu Cassidy á tónleikum í Salnum 16. júní.

Cassidy var þjóðlagasöngkona frá Washington í Bandaríkjunum en lést aðeins 33 ára gömul árið 1996. Hún gaf út tvær plötur á sínum ferli sem náðu einungis athygli á hennar heimaslóðum í Bandaríkjunum.

Fjórum árum eftir dauða hennar var hennar útgáfa af Somewhere Over the Rainbow spiluð á BBC í Englandi og þá byrjuðu hjólin að snúast. Bróðir Evu, Dan Cassidy, kemur fram á tónleikunum með Guðrúnu. Miðasala fer fram á Midi.is.