Tíska og hönnun

Föstudagur á RFF - Gleði og náttúruleg efni

Falleg herrapeysa frá hönnuðinum Sonju Bent.
Falleg herrapeysa frá hönnuðinum Sonju Bent.
Viðburðurinn Reykjavík Fashion Festival fór fram í annað sinn á dögunum. Tuttugu og tveir hönnuðir tóku þátt í ár og fór sýningin fram í Hafnarhúsinu.

Á föstudagskvöldinu sýndu alls tíu hönnuðir haust- og vetrarlínur sínar og stóðu línur Eyglóar, Sruli Recht, Sonju Bent og Spaks manns spjara upp úr. Allar þessar línur innihéldu fallegar buxur og er því óhætt að spá því að síðbuxur verði vinsælar hér á landi næsta haust.

Lína Sonju Bent var áberandi glaðleg og falleg og mætti kannski kalla þennan efnilega hönnuð okkar eigin Soniu Rykiel. Báðar vinna þær mikið með prjónaflíkur og á meðan rendur einkenna gjarnan fatnað Rykiel vinnur Sonja Bent að mestu með doppur.

Lína Spaksmannsspjara virtist þó vera sú eina, fyrir utan línu Sruli, sem var greinileg haustlína og innihélt jakka, notalegar fóðraðar hettur og prjónaðar ermar. Hönnun Sruli Recht var fallega sniðin og skemmtileg og fatnaðurinn unninn úr náttúrulegum efnum eins og ull. Eygló var söm við sig og sýndi flottar flíkur með skemmtilegu beinamynstri sem kom mjög vel út.- sm

Spaksmannsspjarir sýndu heilsteypta og flotta haustlínu. Rauðu buxurnar voru einstaklega fallegar. Fréttablaðið/Daníel Rúnarsson
Loðfóðruðu hetturnar frá Spaksmannsspjörum væru góð eign fyrir næsta vetur.
Sýning Sruli Recht var lauflétt og skemmtileg. Fyrirsæturnar voru kátir karlar sem stóðu sig afskaplega vel.
Hönnun Sruli var úr náttúrulegum efnum eins og ull, bómull og gæru. Fötin voru fallega sniðin eins og Sruli er einum lagið.
Línan hennar Sonju Bent var sumarleg og litaglöð.
Brúnir tónar voru ríkjandi í línu Spaksmannsspjara.
Sýning Sruli Recht var flott og lífleg.
Sonja Bent sýndi skemmtilegar buxur í ýmsum litum og sokka skreytta slaufum.
.

RFF


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.