Árlegur hagnaður Nintendo hrynur um 66%

Árlegur hagnaður tölvuleikjarisans Nintendo hefur lækkað um 66% en er nú 77.6 milljarðar jena eða 106,5 milljarðar íslenskra króna samanborið við 314 milljarða króna hagnað fyrirtækisins á síðasta ári. Tapið má rekja til minnkandi sölu og sterkrar stöðu jensins.

Í yfirlýsingu frá fyrirtækinu sagði að þrátt fyrir að jarðskjálftinn sem reið yfir landið í síðasta mánuði hafi ekki haft bein áhrif á fyrirtækið byggjust þeir við því að neysla í Japan myndi dragast mikið saman í kjölfar hamfaranna.

Nintendo hyggst á næsta ári senda frá sér arftaka wii tölvunnar en fyrirtækið hefur selt 86 milljónir eintaka af tölvunni síðan hún kom á markaðinn árið 2006.