Gaf tökuliði 500 úlpur

Leikarinn Johnny Depp keypti fimm hundruð vatnsheldar úlpur handa tökuliði myndarinnar Pirates of the Caribbean 4. Tökur hafa staðið yfir í London að undanförnu og þar hefur rok og rigning gert tökuliðinu lífið leitt. Depp vildi sjá til þess að öllum liði vel í kringum sig og pungaði út rúmlega sjö milljónum króna í úlpurnar.

„Þetta var frábært fyrir móralinn og sýndi af hverju hann er einn yndislegasti náunginn í Hollywood," sagði heimildarmaður. Stutt er síðan Depp heimsótti grunnskóla í London í gervi sjóræningjans Jacks Sparrow við góðar undirtektir.