Katie Price missir prófið

Glamúrpían Katie Price hefur verið sett í sex mánaða ökubann í Bretlandi eftir að hún játaði að hafa ekið of hratt á Land Rover-bifreið sinni.

Price, sem einnig er þekkt undir nafninu Jordan, ók á 134 kílómetra hraða þar sem hámarkshraðinn var 113. Lögmaður hennar hélt því fram að Price hefði verið að flýja ágenga ljósmyndara en dómarinn gaf ekki mikið fyrir þau rök; sagði að ljósmyndararnir fylgdu í hennar lífi.

Þetta er fjórða ökubrot fyrirsætunnar á rúmum tveimur árum. Auk þess að missa ökuréttindin var Price gert að greiða eitt þúsund pund í sekt. Lögmaður hennar lýsti því yfir að hún uni dómnum.