Gaga fékk sér tattú í Japan | Myndir

Söngkonan Lady Gaga er á toppnum þessa dagana. Hún er nú á tónleikaferðalaginu Monster Ball Tour þar sem hún fylgir eftir nýju plötunni sinni, The Fame Monster.

Lady Gaga heldur tónleika í nokkrum borgum Japan nú um helgina. Hún kom til Tókýó í síðustu viku og fékk sér tímabundið tattú á vinstri handlegg í tilefni af tónleikunum. Þar stendur skrifað með japönskum stöfum "Ég elska litla skrímslið".

Á myndunum sést að Tókýó er réttur staður fyrir Lady Gaga enda er stíll hennar oft í ætt við það sem þekkist á götum borgarinnar.