Blankir Baugsmenn þurftu að selja þyrlu til forstjóra Iceland

Fjárhagsstaða Baugs var svo bág í lok síðasta árs að félagið neyddist til að selja þyrlu í eigu þess til Malcolm Walker, forstjóra Iceland, fyrir tvær milljónir punda eða um 340 milljónir króna.  Þetta kemur fram í The Sunday Times í dag.

Baugur á þó enn eftir því sem best er vitað glæsilega Falcon 2000EX einkaþotu í gegnum dótturfélag sitt BG Aviation Ltd sem skráð er á Bresku Jómfrúareyjunum. Sú vél hefur að mestu leyti verið notuð af Jóni Ásgeiri Jóhannessyni, stjórnarformanni Baugs.