Vatnið á Skotaleiknum

„Allt sem við gerum tengist Íslandi á einn eða annan hátt," segir Jón Ólafsson, stjórnarformaður átöppunarfyrirtækisins Icelandic Water Holdings. Fyrirtækið hefur keypt auglýsingu á leik Skota og Íslendinga í undankeppni fyrir HM 2010 sem fram fer á Hamden Park í Glasgow í Skotlandi í dag.

Fyrirtækið framleiðir vatn á flöskum undir merkjum Icelandic Glacial. Í auglýsingunum verður lögð áhersla á að vatnið sé það fyrsta sem hlotið hafi viðurkenningu The CarbonNeutral Company fyrir algera kolefnisjöfnun. - jab