Með fjórar tilnefningar

Hljómsveitin Coldplay hefur fengið fjórar tilnefningar til bresku Q-tónlistarverðlaunanna. Meðal annars er hún tilnefnd fyrir bestu plötuna, Viva La Vida or Death and All His Friends.

Hljómsveitirnar Vampire Weekend og The Ting Tings hlutu þrjár tilnefningar hvor en Kings of Leon, Nick Cave and the Bad Seeds og The Last Shadow Puppets hlutu tvær hver. Allar hljómsveitirnar voru tilnefndar fyrir plötu ársins, ásamt fyrstu plötu hinnar bandarísku Fleet Foxes. Verðlaunaathöfnin verður haldin sjötta október í London.