Snæfell komið í 2-0 gegn Grindavík

Snæfell er komið í 2-0 í einvíginu við Grindavík í undanúrslitum Íslandsmótsins í körfubolta. Snæfell vann í Stykkishólmi í kvöld 79-71.

Grindavík var yfir í hálfleik með tveimur stigum en í seinni hálfleik náðu heimamenn völdunum og þurfa nú aðeins einn sigur í viðbót til að tryggja sér í úrslitaeinvígið.

Hlynur Bæringsson var stigahæstur hjá Snæfelli með 20 stig, Justin Shouse var með 16 og Sigurður Þorvaldsson 14. Stigahæstur Grindvíkinga var Adam Darboe með 16 stig og Páll Axel Vilbergsson og Páll Kristinsson með 13 hvor.