Sport

Örn setti nýtt Norðurlandamet

Eiríkur Stefán Ásgeirsson skrifar
Örn Arnarson sundkappi.
Örn Arnarson sundkappi.

Örn Arnarson setti í dag Íslands- og Norðurlandamet í 50 metra baksundi á móti sem fór fram í Lúxemborg um helgina.

Keppt var í 50 metra laug en Örn synti vegalendinga á 25,88 sekúndum og bætti þar með fimm ára gamalt Íslandsmet sitt í greininni um 30 hundraðshluta úr sekúndu. Örn kom fyrstur í mark í sundinu í dag.

Hann á nú öll Norðurlandamet í baksundi, bæði í 50 og 25 metra laug. Sannarlega glæsilegt afrek hjá Erni.

Þar að auki er þetta í fyrsta sinn sem hann setur Norðurlandamet í 50 metra baksundi í 50 metra laug.

Erlendar

Mest lesið


Fleiri fréttir

Sjá meira


×

Mest lesið