Þorleifur: Létum þá valta yfir okkur

Snæfellingar eru í vænlegri stöðu eftir sigur kvöldsins gegn Grindavík. Þorleifur Ólafsson hjá Grindavík fann ekki körfuna eins og í fyrsta leiknum og munar um minna.

„Við vorum bara lélegir. Ég veit ekki hvað gerist hjá okkur, við hættum að spila góða vörn og látum þá bara valta yfir okkur. Yfir höfuð þá var þetta allt lélegt hjá okkur og það er ekki nóg að byrja leiki vel það þarf að klára leikina líka og við gerðum það ekki í kvöld," sagði Þorleifur Ólafsson.

„Við ætlum bara að byrja á því að vinna næsta leik og spila þann leik almennilega allan tímann. Við sjáum síðan bara hvað setur í þessu," sagði Þorleifur að lokum.