Bruce Bowen fer ekki á HM

Varnarjaxlinn Bruce Bowen frá San Antonio Spurs fékk það leiðinlega hlutskipti í gær að verða síðasti maðurinn sem ekki náði inn í landsliðshóp Bandaríkjamanna fyrir HM í körfubolta sem hefst í Japan um helgina. Það er því ljóst hvaða 12 menn skipa bandaríska landsliðið að þessu sinni, en liðið hefur ekki orðið heimsmeistari síðan 1994.

Hópinn skipa eftirtaldir leikmenn:

Carmelo Anthony, Shane Battier, Chris Bosh, Elton Brand, Kirk Hinrich,

Dwight Howard, LeBron James, Antawn Jamison, Joe Johnson, Brad Miller,

Chris Paul og Dwyane Wade.

Fyrsti leikur Bandaríkjamanna verður á laugardag þegar liðið tekur á móti Portó Ríkó í Sapporo.