Tjaldvagnaborgir í Galtalæk

Í gær og gærkvöldi var strax farið að bera á því í Galtalækjarskógi

að tjaldvagnaeigendur væru farnir að flytja vagnana sína og finna sér

pláss fyrir þá á svæðinu. Margt var um manninn í gærkvöldi en búast

má við enn fleirum í slíkum erindagjörðum í kvöld. Þessum ferðalöngum

er vel tekið þar. Miðasala hefst þar við hliðið klukkan 14:00 á

fimmtudag en öllum er velkomið að koma tjaldvögnum, tjöldum,

fellihýsum og hjólhýsum fyrir bæði fyrir og eftir þann tíma.

Fjölskylduhátíðin í Galtalæk hefur í gegnum árin verið ein sú

fjölmennasta og vinsælasta á landinu og nú í ár verður hátíðin

glæsilegri en nokkru sinni fyrr. Stuðmenn ásamt Birgittu Haukdal,

Valgeiri Guðjóns og Stefáni Karli hafa boðað komu sína. Paparnir og

Skítamórall verða einnig á hátíðinni og síðast en ekki síst hefur

gamla góða Sumargleðin með Ragga Bjarna, Hemma Gunn, Ómari

Ragnarssyni, Þorgeiri Ástvalds og Magga Prins Póló ákveðið að koma

saman að nýju í þetta eina skipti.

Það er ljóst á þessari upptalningu að dagskráin í Galtalæk er

glæsilegri sem aldrei fyrr. Skipuleggjendur leggja áherslu á

glæsileika og ferskleika en á sama tíma er haldið í gömlu góðu

Galtlækjar gildin sem eru flestum kunnug; Fjölskylduhátíð í vímulausu

umhverfi. Hin árlega flugeldasýning verður á sínum stað sem og

varðeldurinn sem eru fastir liðir um Verslunarmannahelgina í Galtalæk.

Galtalækur verður troðfullur af leiktækjum frá Sprell fyrir krakkanna.

Varðeldurinn og flugeldasýninginn verða á sínum stað. Concert

umboðsskrifstofa Nylon og Idolstjarnanna ætlar að leita af ungum

söngstjörnum til að syngja inná plötu í haust. Fyrir tveimur árum

auglýsti Concert eftir söngstjörnum þær söngstjörnur eru nú að slá

í gegn í Bretlandi.

Forsalan er í fullum gangi í verslunum Hagkaupa og þar er 1000 krónu

afsláttur. Miðaverð er reyndar með lægsta móti - 12 til 16 ára 5.900 - 4.900 í forsölu fullorðins miðar eru á 6.900 en 5.900 í forsölu í Hagkaupum.