Roger Federer sigraði í Tókýó

Svisslendingurinn Roger Federer bar sigur úr býtum á opna japanska meistaramótinu í Tennis. Úrslitaleikur mótsins fór fram í Tókýó í gærmorgun og þar vann Federar sigur á hinum enska Tim Henman 6-3 og 6-3. Þetta er níundi meistaratitill Federers á árinu og hans 42. á atvinnumannaferlinum.

Federer vann nýlega bandaríska meistaramótið en Henman veitti honum harða keppni til að byrja með. Síðan náði Federer undirtökunum og lét þau ekki af hendi. "Ég er gjörsamlega búinn en mér líður samt frábærlega. Þetta hefur verið stórskemmtilegt og ég hlakka til að mæta hingað að ári og reyna að verja þennan titil," sagði Federer.