Litháen lagði Ítalíu

Sextán liða úrslitin á heimsmeistaramótinu í körfuknattleik hófust í gær með fjórum leikjum en hinir fjórir leikirnir fara fram í dag.

Aðalleikur gærdagsins var viðureign Litháa og Ítala og þar gerðu Litháarnir sér lítið fyrir og sigruðu, 71-68. Ítalir fengu fjölmörg tækifæri undir lokin á vítalínunni þar sem þeim brást bogalistin.

Manu Ginobili fór fyrir liði Argentínu sem lagði Nýja-Sjáland, 79-62, en Ginobili skoraði 28 stig í leiknum. Spánn lagði Serba þar sem Paul Gasol skoraði 19 stig og tók 16 fráköst. Að lokum lögðu Tyrkir Slóvena þar sem Erkan Serdoka fór mikinn í fjórða leikhluta.