Stone í vanda stödd

Söngkonan unga Joss Stone gæti misst samning sinn við tískufyrirtækið Gap eftir að hún vann hann af Söruh Jessicu Parker. Ástæða þessa er sú að söngkonan er komin í sambúð með hinum 25 ára tónlistarframleiðanda Beau Dozier í Kaliforníu en samkvæmt lögum í Kaliforníu er hún einu ári of ung til að stunda kynlíf.

Gap-fyrirtækið er auðvitað ekki sátt við þennan ráðahag en Stone notar sér til varnar að hún er breskur ríkisborgari og þar sé sjálfræðisaldurinn sextán ár.