Húllumhæ og hjólakeppni

Í versluninni Fat Face eru seldar lífsstílsvörur af ýmsu tagi og hugsað fyrir þá sem hafa gaman af að vera úti í náttúrunni. Það verður mikið um dýrðir á opnunardaginn. James Herrity mætir á svæðið en hann er einn af svokölluðum Team Rider hjá Fat Face. Hann er 29 ára keppandi í þríþraut, sem þýðir að hann syndir, hleypur og hjólar og er sá sjötti besti í sínum aldurshópi í Bretlandi. Hann mun keppa við alla þá sem hafa áhuga á að reyna að fá betri tíma en hann á sérstöku hjóli sem verður hjá versluninni. Verðlaun verða veitt fyrir tíu manns með besta tímann en hægt. James verður einnig á svæðinu föstudaginn 18. mars á milli klukkan 15 og 18.

Starfsmenn Fat Face munu einnig dreifa seðlum sem áhugasamir geta fyllt út og skila inn til verslunarinnar. 2. apríl klukkan 16 verða dregnir út fimm vinningar en fyrstu verðlaun eru fimmtíu þúsund króna úttekt í versluninni. Svo má ekki gleyma öllum fötunum og fylgihlutunum sem gestir og gangandi geta kynnt sér.