Erlent

Fréttir í tímaröð

Fréttamynd

Robert Mueller er látinn

Robert S. Mueller, sem stýrði bandarísku alríkislögreglunni í tólf ár og starfaði sem sérstakur saksóknari hjá dómsmálaráðuneyti Bandaríkjanna, er látinn. Hann varð 81 árs.

Erlent
Fréttamynd

Orbán stendur í vegi fyrir lán­veitingunni til Úkraínu

Viktor Orbán, forsætisráðherra Ungverjalands, hefur vakið mikla reiði meðal Evrópuleiðtoga eftir að hann gekk á bak orða sinna. Orbán hafði í desember sagst myndu samþykkja 90 milljarða evra lán til Úkraínu svo lengi sem Ungverjar yrðu ekki meðal lánveitenda en hefur nú dregið það til baka.

Erlent
Fréttamynd

Segir Írani ekki lengur geta auðgað úran

Benjamín Netanjahú, forsætisráðherra Ísraels, heldur því fram að Íranir geti ekki lengur auðgað úran, sem þarf til þess að búa til kjarnorkuvopn, eða framleitt frekari skotflaugar. Hann neitar því að Ísraelsmenn hafi dregið Bandaríkjamenn í stríðið og segir Ísraelsmenn ætla að hætta að ráðast á olíuinnviði Írans.

Erlent
Fréttamynd

Banda­rískur stjúp­sonur El Mencho fékk krúnuna

Bandarískur ríkisborgari virðist hafa tekið stjórn á öflugustu glæpasamtökum Mexíkó. Juan Carlos Valencia González mun hafa tekið fljótt við stjórn Jalisco New Generation Cartel, eða JNGC, stundum CJNG, eftir að sjúpfaðir hans Nemesio Oseguera Cervanter, eða „El Mencho“, var felldur af hermönnum í Mexíkó í síðasta mánuði.

Erlent
Fréttamynd

Út­skrifuð fyrir fimm mánuðum en neitar að fara

Forsvarsmenn sjúkrahúss í Flórída hafa höfðað mál gegn konu sem hefur alfarið neitað að yfirgefa sjúkrahúsið í þá fimm mánuði síðan hún var útskrifuð. Dómari hefur verið beðinn um að veita starfsmönnum sjúkrahússins leyfi til að flytja konuna á brott og það með aðstoð lögreglunnar, reynist það nauðsynlegt.

Erlent
Fréttamynd

Vilja 25 billjónir: „Það þarf peninga til að drepa vonda kalla“

Forsvarsmenn varnarmálaráðuneytis Bandaríkjanna eru sagðir hafa farið fram á við Hvíta húsið að fá tvö hundruð milljarða dala í aukafjárveitingu vegna stríðsins gegn Íran. Pete Hegseth, varnarmálaráðherra, segir þá tölu geta breyst en það þurfi „peninga til að drepa vonda kalla“.

Erlent
Fréttamynd

Til­búnir til að sprengja flug­brautir á Græn­landi

Þegar danskir hermenn voru fluttir til Grænlands í janúar höfðu þeir með sér sprengiefni. Þau átti að nota til að sprengja flugbrautir í Nuuk og Kangerslussuaq, til að gera Bandaríkjamönnum erfiðara um vik með að senda hermenn til Grænlands. Þetta var ef Donald Trump, forseti Bandaríkjanna, myndi reyna að taka Grænland með hervaldi, eins og hann hafði gefið til kynna að kæmi til greina.

Erlent
Fréttamynd

Banksy opin­beraður, enn einu sinni

Hulunni hefur enn einu sinni verið svipt af götulistamanninum Banksy, sem hefur í rúma þrjá áratugi farið huldu höfði, að mestu. Hann er fæddur 1973 sem Robin Gunningham og er frá Bristol í Englandi. Hann breytti þó nafni sínu í David Jones til að eiga auðveldara með að fara huldu höfði.

Erlent
Fréttamynd

Black Cube sakað um njósnir fyrir kosningar í Slóveníu

Ísraelska leyniþjónustufyrirtækið Black Cube er sakað um leka upptökum sem var aflað með leynilegu eftirliti og hlerunum til þess að koma höggi á forsætisráðherra Slóveníu rétt fyrir kosningar. Sama fyrirtæki njósnaði um son íslensks þingmanns og kom leynilegum upptökum af honum í umferð.

Erlent
Fréttamynd

Olíuvinnslur rýmdar eftir á­rásir á eitt stærsta gassvæði heims

Árásir voru gerðar á eitt stærsta gassvæði heimsins í Íran í dag. Svæði þetta kallast Pars-gassvæðið og deila Íranir því með Katörum, hinum megin við Persaflóa. Ráðamenn í Katar hafa sakað Ísraela um árásirnar í dag en myndefni af vettvangi gefur til kynna að margir gaspallar standi í ljósum logum.

Erlent
Fréttamynd

Reyna að rjúfa hljóðmúrinn án láta

Starfsmenn Geimvísindastofnunar Bandaríkjanna (NASA) undirbúa aðra flugferð tilraunaflugvélarinnar X-59. Vonast er til þess að flugvél þessi eigi að geta rofið hljóðmúrinn án þess að því fylgi hinar hefðbundnu drunur og læti.

Erlent
Fréttamynd

Säpo varar við aukinni ógn frá Rúss­landi

Forsvarsmenn sænsku öryggislögreglunnar Säpo vara við því að ógn Rússa gagnvart Svíþjóð gæti aukist. Rússar eru sagðir beita fjölþátta ógnum í meiri mæli en áður en hundruð grunsamlegra atvika hafa verið til rannsóknar í Svíþjóð sem grunur leikur á að rekja megi til Rússlands, án þess þó að tekist hafi að sanna tengingu þar á milli.

Erlent
Fréttamynd

Felldu enn einn ráð­herrann: Reyna að ryðja leiðina fyrir Írani en gætu eflt herinn

Ísraelar segjast hafa fellt enn einn ráðherrann í Íran. Að þessu sinni er um að ræða Esmaeil Khatib, ráðherra leyniþjónustumála í Íran, en fyrr í vikunni felldu þeir Ali Larijani, forseta þjóðaröryggisráðs Íran, sem var talinn vera raunverulegur stjórnandi landsins eftir að æðstiklerkurinn Ali Khamenei var ráðinn af dögum fyrir rúmum tveimur vikum.

Erlent
Fréttamynd

Til­lögu um lög­leiðingu dánaraðstoðar hafnað í Skot­landi

Skoska þingið hefur hafnað lögleiðingu dánaraðstoðar en tillaga þess efnis var felld með 69 atkvæðum á móti 57. Frumvarpið hafði mætt töluverðri mótspyrnu og þá var harðlega deilt um það á þinginu í síðustu viku hvort einstaklingar í viðkvæmri stöðu myndu njóta nægilegrar verndar frá mögulegum þvingunum.

Erlent
Fréttamynd

Skárri staða í Ála­sundi

Betur fór en á horfðist í Álasundi í Noregi þar sem mikill gróðureldur ógnaði byggingum í bænum í gær og í nótt. Mikið lið slökkviliðs barðist við eldinn og vindáttinn hefur einnig orðið til þess að menn eru bjartsýnni en þeir voru í gærkvöldi að því er segir í umfjöllun Verdens gang í morgun.

Erlent